Dobling av KI-bruk i staten på halvtanna år

Over sju av ti statlege verksemder oppgir å ha teke i bruk kunstig intelligens i det daglege arbeidet sitt. Det er ei dobling sidan hausten 2023.

– Kunstig intelligens er eit av kjerneverktøya for å fornya og forbetra offentleg sektor. Bruk av ny teknologi kan frigjera tid, auka kvaliteten på tenestene og sikra at me kan bruka folka våre der dei trengst mest, seier digitaliserings- og forvaltningsminister Karianne Tung (Ap) i ei pressemelding.

Tal frå Arbeidsgiverbarometeret i staten viser at 70 prosent av statlege verksemder – altså departement, direktorat, universitetet, høgskular og andre offentlege institusjonar – no bruker KI-teknologi i arbeidskvardagen sin.