Det har aldri vore meir å spare på å fylle drivstoff på rett dag

No kan du spare meir enn nokosinne på å fylle drivstoff på rett dag.

– Før skilde det to til tre kroner mellom dyraste og billigaste dag i veka. No er forskjellen på heile sju til åtte kroner literen. Så her er det pengar å spare, seier Nils Sødal, senior kommunikasjonsrådgivar i NAF i ei pressemelding.

Her vert det peika på at det er større variasjonar i bensin- og dieselprisen enn det var før. Den siste tida har prisane vore nede på 16-talet for diesel og på 17-talet for bensin. Dei dyraste prisane er på 24-talet for diesel og 25-talet for bensin.