Delte ut 1,7 millionar – storstova fekk mest
E-lagsfondet og Etne Sparebank går inn med om lag 1,5 million kroner kvar i eit prosjekt som handlar om å ruste opp kultur- og aktivitetshuset Skakke med nytt stort kjøkken, terrasse og ny fasade mot vest. Grannar omtalte nyleg planane som har eit budsjett på opp om lag 6,5 millionar kroner, og som skal syte for at bygdas storstove mellom anna får nytt storkjøkken.
— Desse gåvene gir oss ein kick-start. No ser me allereie for oss at vi skal klare å realisere prosjektet, seier dagleg leiar Gøril Eidhammer i Skakke SA.
Det er på det reine at prosjektet skal finansierast med gåver og sponsormidlar. I tillegg vil det truleg kome inn nokre hundre tusenar gjennom denne statlege gåveforsterkingsordninga.
