Valkomiteen i Etne etter at dei har talt alle stemmene. F.v.: Astrid Fagerjord Harboe, Arnold Solheim, Solgunn Dalsesid Vaa, Grethe Håland Hjelmtveit, Grete Tesdal, Liv Sørheim, Reidun Vae Holmen og Aud Jorunn Baustad
Foto: Per Hjemdal
Dei nye sokneråda
Valdeltakinga ved kyrkjevalet dei tre siste periodane har vore stigande for kvart val, og det meste tydar på at også denne gongen kjem valdeltakinga til å stiga frå 2015. Dei sju nye sokneråda i Etne og Vindafjord er no klare.
I Etne kommune er det to sokneråd; Etne og Skånevik. I Vindafjord har Vikebygd sokn og Skjold sokn slått seg saman til eitt sokneråd. Dei andre fem sokneråda er Ølen og Bjoa sokn, Imsland sokn, Vats sokn, Vikedal sokn, og Sandeid sokn.
Til saman var det 499 personar som stemde ved soknerådsvalet i Etne, og i Vindafjord var det 1.255 personar som stemde. Best prosentmessig var Imsland sokn som kunne visa til heile 47,5 prosent valdeltaking, mens Ølen og Bjoa sokn kom dårlegast ut med 16 prosent.
