Asbjørn Opedal disponerer ein av dei 165 Polestar-bilane som deltek i eit nytt forskingsprosjekt i regi av Vegvesenet, Polestar og Volvo, kor innsamling av data frå bilane er sentralt.
FOTO: TORSTEIN TYSVÆR NYMOEN
Datainnsamling for betre vegar
Prosjektleiar Asbjørn Opedal i Statens vegvesen har fått ny arbeidsbil. Den er ikkje berre mynta på transport. Den skal også samle data som kan gi betre vegar i framtida.
Etnebuen Asbjørn Opedal er til dagleg lokalisert med eige kontor i Haugesund, kor han har ansvar for stort og smått som skal skje langs E134 mellom Haugesund og Haukeli. Men med stadige nye prosjekt langs europavegen, for tida både i Espelandssvingane og Liaheia i Vindafjord og på Mo i Etne, blir det mykje køyring. Men no handlar det ikkje berre om å ta seg fram. Den ny el-bilen han bruker i tenesta samlar og inn vegdata i forskingsaugemed.
Samler data
Volvo Cars, som har utvikla det sjølvstendige bilmerket Polestar saman med Geely Holding, samarbeider med Statens vegvesen om innsamling av data som skal bidra til å utforske mogelegheiter for å bidra til berekraftige løysingar for digital infrastruktur langs vegane.
