Monica Nesheim er engasjert på mange felt, ikkje minst for at vatsbygda skal få utvikla seg og vera ein god stad å bu.
Foto: Privat
10 Kjappe
Brenn for bygda, landbruk og betre klima
Ho er blant fleire unge i Vats som har tatt opp kampen mot forslaget om å legga ned den kommunale barnehagen. Monica Nesheim meiner dette er å fjerna grunnsteinen i utviklinga av ei bygd.
34-åringen har sterke meiningar, blant anna om betre forhold for bøndene og at klimakrisa må takast meir på alvor. Og om barnehagen, som resulterte i at ho greip pennen fatt og skreiv eit krast lesarinnlegg i Grannar om kva ho meiner om forslaget frå rådmannen som nå skal til politisk behandling.
— Det krev utgreiing om konsekvensar, dokumentasjon og diskusjon kring ei så viktig samfunnspolitisk endring. I og med at me er ein kommune som består av fleire bygder, pliktar me oss til å halda liv i dei. Det gjer ein ikkje ved å leggje ned ein barnehage, seier Nesheim som meiner det blir mindre attraktivt å slå seg ned i bygda dersom dette skulle skje.
— Kva er di sterkaste side?
