Varaordførar Kenneth Karlsen (Frp) ved bommen på E134 ved Langfoss som han håpar blir fjerna i romjula etter at partiet hans fekk gjennomslag for å slette gjelda på 90 millionar kroner som er igjen i bompengar å betale for Stordalstunnelen.
Foto: Grethe Hopland Ravn
Bomstasjon skrota etter snart 30 år
Om ei veke er det 29 år sidan bilistane starta å betale bompengar på E134 gjennom Åkrafjorden. No kan lokale Frp-politikarar feire at partiet har fått gjennomslag for å skrote restgjelda på 90 millionar kroner.
— Det er gledeleg at vi har fått skrota denne bommen. Eg har fått gratulasjonar frå andre varaordførarar i Vestland. Det har betydning lokalt sjølv om at den ikkje er plassert slik at mange betalar i den dagleg. Det er ei kjekk nyheit, og for næringslivet er det viktig at denne utgifta blir vekke. Det er ti år igjen å betale dersom ikkje gjelda blir sletta, seier Kenneth Karlsen, varaordførar frå Frp i Etne.
Slettinga av gjelda til Stordalsprosjektet med tunnel, er ein konsekvens av det Frp oppnådde i forhandlinga med regjeringa om statsbudsjettet for 2021.
Har pressa på
