Det nye styret i Haugaland krets av Norges KFUK-KFUM-speidarar. Bak frå venstre: Morten Waka, Johannes Skartland, Amalie Lepsøy HansenForan fra venstre: Atle Aas, Cilje Solvig, Deborah Anna Ognøy, Petra Winkler Ognøy og Kaja Storesund Olsen
Foto: Privat
Blir ny kretsleiar for speidarar på Haugaland
På kretstinget på Sand i helga blei det valt nytt styre for Haugaland krets, beståande av Atle Aas, kretsleiar, Petra Ognøy, visekretsleiar, og styremedlemmene Morten Waka, Johannes Skartland, Cia Severinsen og Amalie Lepsøy Hansen.
I kretsstyret møter også vararepresentant Kaja Storesund Olsen og representant for Roverane (speidarar frå 16 – 25 år), Deborah Ognøy. Roverane har sitt eige ting og vel eige roverombod. Kretssekretær er Cilje Solvig. Kretsen har ca. 1.250 medlemmer.
I august arrangerer kretsen felles kretsleir med Rogaland krets på Bjerkrheim. Her er det venta opp mot 1.200 speidarar. Kretsleiren blir arrangert kvart fjerde år. I juni arrangerer kretsen den årlege Blikshavnleiren for åtte- til elleveåringar på Blikshavn på Karmøy.
