Ved Kambe vassverk i Etne er det gjort funn av E.coli i drikkevatnet. Det er Etne kommune som melder dette onsdag. — Vatn som skal drikkast og brukast til matlaging bør kokast. Tiltak blir iverksett, opplyser kommunen på si heimeside.
Grannar opplyste først at vassverket forsyner store deler av Etnesjøen med vatn. Dette er feil. Det er Etnesjøen vassverk som gjer dette. Berre abonnentar knytt til Kambe vassverk er berørt, og det er få av abonnentane som er ramma av E.coli, opplyser Kristin Hagland, leiar avdeling Drift og vedlikehald i Etne kommune.
Abonnentane det gjeld vil få oppdatert informasjon etter kvart.
