Blei tildelt heiderspris

I pausen mellom finalekampane i Etne Cup blei prisen delt ut. I år var det Erling Bjarte Rullestad som fekk prisen, etter stort engasjement og dugnadsånd for idrettslaget og bygda.

– Mottakaren i år har, trass sin unge alder, allereie vist stort samfunnsengasjement på fleire område. Etter han flytta heim har han bidrege til å starte nye aktivitetstilbod i bygda, og spesielt discgolfbanen på Osnes har blitt eit kjempepopulært tilbod, sa ordføraren.

Rullestad har i tillegg hatt ei rekkje styreverv i idrettslaget, for Etne Cup og Etnemarknaden.