Nils Torgrimsen (i kvit dress) og Catherine Chimba var det første paret som gifta seg i Vindafjord rådhus. Ordførar Ole Johan Vierdal leia seremonien og hadde med seg ei gåve til paret - tennbrikettar frå aktivitetssenteret Gnisten.FOTO: TORSTEIN TYSVÆR NYMOENBilde 1 av 3
Gjestane dansa og song seg heilt frå kommunestyresalen og ut på parkeringsplassen ved rådhuset. Du kan sjå video av feiringa på Grannar si Facebook-side.
Catherine Chimba og Nils Torgrimsen køyrde frå rådhuset med breie smil i open bil i godvêret.
Blei historiske
Torstein Tysvær Nymoen Torstein Tysvær Nymoen
PublisertSist oppdatert
— Dette kjem eg aldri til å gløyme, seier Vindafjord-ordførar Ole Johan Vierdal (Sp).
Det er fredag ettermiddag, og ein tydeleg rørt ordførar har akkurat vorre vitne til eit syngande og dansande følgje på om lag 40 personar, dei fleste afrikanske, som dansa og song seg i frå kommunestyrestalen i Vindafjord rådhus, ned trappa og ut på parkeringsplassen.
Høvet var vigselen til Catherine Chimba og Nils Torgrimsen. Ølen-paret vart historiske då dei var det første paret som gifta seg på rådhuset i Vindafjord etter at kommunane tok over ansvaret for vigslane frå tingretten ved nyttår.
