Laksegiganten Mowi betaler mindre utbytte som følgje av ein krevjande start på året. Perlesnormaneter og vintersår på fisken har ført til lågare pris.
Betaler mindre i utbytte etter krevjande kvartal
Mowis inntekter fall til 1,33 milliardar euro i første kvartal, frå 1,36 milliardar på same tid i fjor. Selskapet betaler mindre i utbytte etter eit krevjande kvartal.
– Første kvartal var biologisk utfordrande for Mowi i Noreg på grunn av vintersår og unormalt høge førekomstar av perlesnormaneter, og dessutan ein svært kald vinter, seier Mowi-sjef Ivan Vindheim i ei pressemelding.
– Eg er derfor glad for at situasjonen har betra seg vesentleg i andre kvartal, legg han til.
Kvartalsrapporten onsdag
viser at oppdrettsselskapet foreslår å betale ut 1,50 kroner per aksje i eit kvartalsvis utbytte til eigarane, totalt 776 millionar kroner. Førre kvartal var utbyttet på 1,90 kroner per aksje.
