Betalar ut rekordstort kjøpeutbytte

Aldri før har Coop Sørvest hatt fleire medlemmer og aldri før er det betalt ut eit større kjøpeutbytte enn for 2019. Av alle Coops samvirkelag er det Coop Sørvest som utbetalar nest mest i kjøpeutbytte for fjoråret.

— I Coop er me stolte over å vera annleis, spesielt når overskotet skal delast og medeigarane får sitt kjøpeutbytte, seier Tore Klovning, administrerande direktør i Coop Sørvest, i ei pressemelding.

Klovning legg til at Coop har stor tru på delingsmodellen og at medeigarane er deira beste og mest lojale kundar, som bidrar til det rekordstore kjøpeutbyttet på 184 millionar. Det siste året er det blitt lansert fleire nye medlemsfordeler, blant anna på straum, lading for elbil og nå nyleg på reiser.