Betalar tilbake til fiskarar

Etne Jeger- og Fiskerforening opplyser om refusjonsplanane i eit Facebook-innlegg laurdag. Dei ber folk vere litt tolmodige før dei får overført pengane.

Grunneigar Billy Grimaas i sone 1 i Vikedalselva har sendt ut ein melding til alle med sesongkort i den sonen i ei Facebook-gruppe for Vikedalselva. Han skriv at dersom det ikkje kjem klare meldingar om gjenopning av årets laksefiske innan 10. juli vil sesongkort for sone 1 bli refundert, med fråtrekk av utførte fiskedøgn. Følgeleg ber han alle som har løyst sesongkort i denne sona om å gjere eit overslag over gjennomførte fiskedøgn fram til nå og sende dette på melding til han.