Berekraft-anerkjenning til Skjold-bedrift

— Me har jobba med å innføre system og haldningar sidan tidleg i vår, seier dagleg leiar Martin Frøyland i Frøyland Vindu AS i ei pressemelding.

Stiftelsen Miljøfyrtårn skriv i si grunngiving at verksemda kan dokumentere at strenge krav innan tema som arbeidsmiljø, innkjøp, energi, transport, avfall utslepp og estetikk er tilfredsstilte. Miljøfyrtårn-diploma blei utdelt av ordførar Ole Johan Vierdal og feira med kake på fabrikken i Skjold.

Selskapet skriv i pressemeldinga at dei har valt å tilpasse seg Miljøfyrtårn sine retningslinjer og styringssystem for å ta eit samfunnsansvar. Dei meiner dette beviser kva deira produksjon med tilsette og system kan bidra til i form av betre arbeidsmiljø, bevisstgjering og sortering for å redusere avfall, samt å stille krav til deira leverandørar i verdikjeda sin.