Ber folk vaksinera seg

I ei oversikt avisa VG har laga for landet viser at Etne får 15 dosar og Vindafjord 25 av det første partiet som blir distribuert ut.

Etter at covid-19 blei oppdaga i Kina tidleg i år har viruset mutert fleire gonger. Den siste mutasjonen som råka England særs hardt for nokre dagar sidan, ser ut til å setja smittespreiinga i høggir, og får viruset halda fram med å spreia seg kan det kanskje utvikla seg virusvariantar som kan føra til alvorleg sjukdomsutvikling. Vaksinering er eit av dei viktigaste grepa i kampen mot det smittsame viruset, og for overlege og professor Tor Audun Hervig frå Bergen er massevaksinasjon det beste grepet.

— Vaksinen er den store redningsplanen og eg håpar verkeleg at folk tek den. Skrekken er at det skal koma ein farleg mutasjon som gjer at vaksinen ikkje verkar, seier Hervig.