Auke i talet på nye føretak

Det vart registrert 16.566 nye føretak i tredje kvartal i år. Det er ein auke på 5,6 prosent frå same kvartal i fjor.

Etableringstakta er dermed attende på eit normalt nivå, etter at den låg særs lågt i 2. kvartal, skriv SSB
på nettstaden sin.

Av nyregistreringane var 7.198 aksjeselskap og 8.881 einskildpersonføretak, medan 487 hadde andre selskapsformer. Talet på nye aksjeselskap gjekk opp med 7,5 prosent frå same kvartal i fjor, medan talet på nye einskildpersonføretak gjekk opp med 4,8 prosent.