Årets bedrift og årets gründer er kåra

Torsdag gjekk årets utgåve av Næringsgiv, konferansen som er i regi av Fikse Næringsutvikling, av stabelen på Olalia turisthytte.

Arrangement samla eit hundretals personar frå lokalt næringsliv.

Reiarlag blei årets bedrift

Ein del av den årlege samlinga er utdeling av prisar.

Reiarlaget Arriva Shipping AS frå Ølen blei kåra til årets bedrift.

— Me set pris på ein slik pris frå det lokale næringslivet høgt, sjølv om me opererer i andre marknadar, sa dagleg leiar Sindre Matre.

Småkraftgründer heidra

Årets gründer blei Egil Kambo i Kambo Energi. Etnebuen som har slått seg opp som ein betydeleg entreprenør innan småkraft.

Då han takka for prisen la han vekt på gleda med å bidra til lokal verdiskaping på stader som til dømes Eikemo, kor eit av fleire småkraftverk i Åkrafjorden no er under bygging.

Grannar kjem tilbake med ein større reportasje frå arrangementet.