Andreas Grumheden ny Ap-topp i Etne

Tysdag kveld hadde Etne Arbeiderparti nominasjon til kommunevalet 2023. Lista blei samrøysta vedteken med Andreas Grumheden som ordførarkandidat.

— Me er svært glade for endeleg å få presentera den gode kandidaten vår. Andreas er ein engasjert og allsidig småbarnsfar. Han er aktiv og tek ofte eit tak for fellesskapet, for tennis, fotball og Etne jeger og fisk, seier gruppeleiar Siri Klokkerstuen i ei pressemelding.

Nummer to på lista er Hilde Hellenes. I følgje Klokkerstuen er ho ei triveleg, stødig dame med erfaring frå politisk arbeid i andre kommunar. Ho har lang erfaring frå offentleg forvaltning i ulike etatar. Hellenes er leiar for kommunikasjon og service i Vindafjord kommune, og korpsentusiast.