185 personar var kalla inn til testing på idrettsplassen i Skånevik sundag.
Foto: Irene Mæland Haraldsen
Alle ved Skånevik skule i karantene
Smitteutviklinga tok laurdag kveld ei dramatisk vending i Etne kommune. Dagen etter måtte mange i Skånevik stilla seg i kø for testing.
Etter fire smitteutbrot dei siste dagane har Etne kommune bestemt å stengja Skånevik skule frå og med måndag til og med onsdag. Alle tilsette og alle elevane er sette i karantene frå og med i dag og fram til onsdag i første omgang. Karantene betyr å unngå kontakt med andre.
Elevar og tilsette ved skulen er tilbydd testing ved idrettshallen i Skånevik sundag. Det resulterte i lange køar ved den hastig oppsette teststasjonen.
Det er ingen stadfesta med covid-19 ved skulen, men det er mistanke om smitte, melder skulen.
