74 gauper kan fellast under årets gaupejakt. Denne gaupa bur i naturparken på Langedrag og blir ikkje rekna med i jakta.
Foto: Heiko Junge / NTB / NPK
74 gauper kan fellast under årets jakt
NPK-NTB: 74 gauper i seks av dei åtte rovviltregionane kan fellast når gaupejakta startar 1. februar. Det er klart etter at regjeringa har ferdigbehandla klagesaker.
— Gaupebestanden i Noreg ligg i dag svært nær bestandsmålet nasjonalt. Det er opna for kvotejakt på 74 gauper i seks av åtte rovviltregionar. Det er ikkje opna for gaupejakt i regionane 4 og 5, der bestanden ligg under bestandsmålet, seier klima- og miljøminister Espen Barth Eide (Ap).
Rovviltnemndene og Miljødirektoratet fatta fire vedtak om kvotejakt i Rogaland, Møre og Romsdal, Trøndelag, Nordland, Troms og Finnmark, og dessutan tidlegare Vest-Agder og Oppland.
Vedtaka vart klaga inn til Klima- og miljødepartementet, som har landa på å halde fast ved dei.
