40 millionar til fiskefarmen

AF Decom er av Haugaland Tingrett dømt til å betala 40 millionar kroner i erstatning til fiskefarmen.
Raunes Fiskefarm gjorde krav på ei erstatning opptil hundre millionar kroner i desember 2008.

— Det rår inga tvil om at AF Decom si verksemd i utbyggingsfasen på Raunes har medført store konsekvensar for fiskefarmen. Dette blir i stor grad også erkjent av AF Decom, heiter det i dommen.

Erstaningssummen er delt i tre;
Fiskefarmen får erstatning for tap i 2008, då utbygginga av AF Decom mellom anna førte til stenging av verksemda hjå fiskefarmen. Denne summen er fastsett til nærare 6,8 millionar kroner.
For relokalisering og nytt anlegg for fiskefarmen er AF Decom dømt til å betala om lag 29 millionar kroner.
I summen ligg også erstatning for framtidig tap, då fiskefarmen truleg ikkje kan starta produksjonen att før om tre år. Tapet blei fastsett til fire millionar kroner.

AF Decom må også dekka sakskostnadar, på til saman 1,5 millionar kroner.

Les meir i papirutgåva av Grannar på måndag