IFE dreiv to atomreaktorar i Noreg, ein på Kjeller og ein i Halden, men begge blei lagt ned i 2018 og 2019. No får IFE meir pengar til å forske på nye energiløysingar.
Foto: Ola Vatn / NTB / NPK
1,3 milliardar til forsking på miljøvennlege energiløysingar
Energidepartementet skal bruke 1,3 milliardar kroner på forsking som skal utvikle nye miljøvennlege energiløysingar.
Pengane går til forskingssenter ved Sintef Ocean, Sintef Energi, NTNU og Institutt for energiteknikk (IFE), opplyser departementet.
Forskingssentera for miljøvennleg energi får frå 120 til 180 millionar kroner over åtte år for å løyse sentrale utfordringar på energi- og klimaområdet og styrkje innovasjonsevna i norsk næringsliv».
