13-åring fann eldgamal øks

Irene Mæland Haraldsen og Arne Frøkedal

I førre veke kom øksa, som vart funnen på ein åker i Skjold til Arkeologisk museum i Stavanger for å bli registrert og tidsbestemt. Den vesle øksa, også kala celt, er rundt 10 cm lang og vart funnen etter eit metalldetektorsøk rundt 20 cm nede i bakken. Arkeolog Lars Søgaard Sørensen ved seksjon for Kulturarv i Rogaland fylkeskommune har tatt ein kikk på den eldgamle reiskapen og stadfester at den kan daterast til bronsealderen.

— Øksa er frå omkring år 1000 f. Kr. Den er i veldig god stand og er veldig stabil. Det er masse metall i øksa, og den er svært bra til å ha lege i dyrka mark, fortel Sørensen og er glad for funnet som er det femte av denne type i Rogaland sidan 2014.