Me har fantastiske elevar – dei kjem mellom anna frå ni bygder

Sidan hausten 2018 har eg vore så heldig å jobbe ved Ølen vidaregåande skule. Før det har eg jobba på mellom anna St.. Svithun vgs i Stavanger og Bryne vgs, og eg trur eg har noko å fare med når det kjem til skule, elevar og læring.

Det stormar i Vindafjord – nok ein gong, kan ein vel seie, for det vinden kviskrar om har me høyrt før; kanskje det er nokon kroner å spare på å leggje ned grendeskulane? Me har høyrt det før, og kvar gong denne vinden bles gjennom kommunen så blir det enda litt vanskelegare for dei minste bygdene å vise at dei er attraktive for småbarnsfamiliar, for kven vil vel flytte til ei bygd der skulen kanskje skal leggast ned?

Ein ting som eg som vgs-lærar tenkjer mykje på er: kvifor snakkar ein ikkje om kor god jobb dei små grendeskulane i Vindafjord kommune får gjort, trass i dårlege skulebygg og nedleggingsspøkelse»?