Feil av Grannar – me stemde ikkje imot reglementet

Tidleg torsdag morgon kjem Grannar i hus og gjev oss oppdatering før arbeidsdagen startar. Me hadde kommunestyremøte tysdag og det er alltid interessant å sjå kva lokalavisa formidlar til innbyggjarane frå det.

Me blir ganske overraska. Grannar skriv at Ap og KrF stemde imot reglementet for streaming av politiske møte i kommunestyret tysdag! Det er direkte feil, kva kan me gjera med slikt som alt er kome på trykk?

Me hadde ein lang debatt i saka og det er vanskelig å forstå at dette blei oppfatta slik av journalisten som var til stades i møtet. Me stemde ikkje imot reglementet. Vårt alternativ som blei røysta over støtta reglementet. Arbeiderpartiet sitt framlegg var ulikt på eit punkt: at streaming berre skal gjelde for kommunestyre og formannskap, ikkje utvala. Dette støtta KrF oss i.