Blanding av håp og angst…

Kjære politikerar de er folkevalgte. Folk har valgt dykk ut frå det som står i valgprogramma dykkar. Me kan av og til bli i stuss om de jobbar for partiprogrammet eller for kommunedirektøren? Hans agenda virkar å vere å samla alle elevane i Vindafjord til Ølen. Dette vil vere absolutt mest lønnsamt med tanke på bygg og vedlikehaldskostnader. Me kan få maks antall elevar i kvar klasse og spare lærerar stillingar. Også blir det så fint for lærerane å få eit større fagmiljø.

Men er det dette me i Vindafjord vil? Ønsker me dette for bygdane våre? Kommunen ønsker tilflytning. Kanskje dei må tenke på bu-attraktivitet. Skule og barnehage i bygdane er ikkje bare ein kostand, men ei investering i trivsel, innbyggerar og arbeidskraft.

Kommunedirektøren har gjort ein god jobb, i fjor gjekk kommunen med 61 mill. i overskot. Dei siste 8 åra har kommunen gått med totalt 334 mill. kr. i overskot. Mykje av dette overskotet har eg forstått at blir satt på fond. Det er sikkert fornuftig. Men når me ikkje kan holda oss til vedtatt skulebruksplanen pga. økonomi, likevel litt pussig?