Ova Rocketroll blei taua inn av Kaptein Hjørnetann, og måtte gå planken under Sommarfestivalen i Vikedal i helga. Heile seansen til stor gleda for mange små fans. Foto: Åse Hjelmervik

Kari Aakra

— Me har prøvd å ha meir fokus på born og aktivitetar for dei små under Sommarfestivalen dette året. Og barnekonsertane og andre underhaldarar på dagtid var stor suksess. Me har fått svært gode tilbakemeldingar, fortel Gjerde etter vel overstått festivalhelg.

Gjekk planken
Gjøglargitaristen Ove Rocketroll fekk stemninga på topp i båthamna laurdag ettermiddag med sin musikkakrobatikk. Den faste festivalsjørøvaren Kaptein Hjørnetann fekk Rocketroll til å gå planken, og med det nådde borna sin sommarfestival eit høgdepunktet.
— Det er svært viktig at festivalen er ei viktig hending for borna også, og at dei engasjerer seg i festivalaktivitetane, seier Gjerde.

Rekord
Då Vassendgutane entra scena i teltet fredag kveld, sette publikum rekord for Sommarfestivalen. Omlag 2.500 var inne på konserten, som blei eit absolutt musikkhøgdepunkt i helga. Dagen etter spela Ole Ivars til dans. Omlag 1.200 danseglade hadde tatt turen. Dette trass mangelen på sommarvèr.
— Det hølja ned, og var var sært surt. Likevel strøyma det på med folk, og me var svært nøgde med besøkstalet, seier Gjerde.

Dugnadsapparat
Utanom private standar på området, omset Sommarfestivalen for omlag ein million kroner, og arrangementet kjem på beina kvart år takka vera eit stort dugnadsapparat. Over 350 personar stilte i år frivillig opp for å sørgja for å festivalen kom vel i hamn. Festivalsjef Gjerde er imponert og svært takksam for den enorme innsatsviljen frå dugnadsfolket.
— Dei gjer ein enorm jobb. Sommarfestivalen blir avvikla like etter Rootsen, og mange er då slitne etter ei allereie hard dugnadshelg. Men når Sommarfestivalen nærmar seg, får me likevel telefonar frå folk som vil bistå med dugnadsarbeidet, seier  Gjerde.